🔴 ਤਾਜ਼ਾ ਖ਼ਬਰ — ਮੁੰਦਰਾ ਪੋਰਟ 'ਤੇ DRI ਦੀ ਵੱਡੀ ਕਾਰਵਾਈ ਚੀਨੀ ਪਟਾਕਿਆਂ ਦੀ ਤਸਕਰੀ ਬੇਨਕਾਬ, 30 ਹਜ਼ਾਰ ਪੀਸ ਜ਼ਬਤ — ਕੁੱਲ ਮੁੱਲ 5 ਕਰੋੜ ਰੁਪਏ ਮੁੰਦਰਾ/ਦਿੱਲੀ, 17 ਨਵੰਬਰ 2025: ਦੇਸ਼ ਦੀ ਸੁਰੱਖਿਆ ਅਤੇ ਗੈਰ-ਕਾਨੂੰਨੀ ਆਯਾਤ ਵਿਰੁੱਧ ਚੱਲ ਰਹੇ ਆਪ੍ਰੇਸ਼ਨ “Fire Trail” ਅਧੀਨ Directorate of Revenue Intelligence (DRI) ਨੂੰ ਇੱਕ ਹੋਰ ਵੱਡੀ ਕਾਮਯਾਬੀ ਮਿਲੀ ਹੈ। DRI ਨੇ ਮੁੰਦਰਾ ਪੋਰਟ 'ਤੇ ਚੀਨ ਤੋਂ ਆਏ ਇੱਕ 40 ਫੁੱਟ ਕੰਟੇਨਰ 'ਚੋਂ 30,000 ਤਸਕਰੀਸ਼ੁਦਾ ਪਟਾਕੇ ਅਤੇ ਫਾਇਰਵਰਕਸ ਜ਼ਬਤ ਕੀਤੇ ਹਨ। ਕੰਟੇਨਰ ਨੂੰ ਦਸਤਾਵੇਜ਼ਾਂ 'ਚ “water glass set” ਤੇ “flower receptacle” ਦੇ ਨਾਂ 'ਤੇ ਘੋਸ਼ਿਤ ਕੀਤਾ ਗਿਆ ਸੀ। ਪਰਚੇ ਦੀ ਪਰਤ ਪਿੱਛੇ ਲੁਕਾਈ ਤਸਕਰੀ ਦਾ ਖੁਲਾਸਾ ਤਦ ਹੋਇਆ ਜਦੋਂ DRI ਦੀ ਟੀਮ ਨੇ ਵਿਸਥਾਰ ਨਾਲ ਜਾਂਚ ਕੀਤੀ। ਕੰਟੇਨਰ ਦੇ ਅਗਲੇ ਹਿੱਸੇ ਵਿੱਚ ਗਲਾਸ ਸੈੱਟ ਰੱਖੇ ਹੋਏ ਸਨ ਤੇ ਪਿੱਛੇ ਵੱਡੀ ਮਾਤਰਾ ਵਿੱਚ ਚੀਨੀ ਪਟਾਕੇ ਛੁਪਾਏ ਹੋਏ ਮਿਲੇ। DRI ਨੇ ਦੱਸਿਆ ਕਿ ਆਯਾਤਕਾਰ ਕੋਲ DGFT ਅਤੇ PESO ਤੋਂ ਜ਼ਰੂਰੀ ਲਾਇਸੰਸ ਨਹੀਂ ਸੀ, ਜਦਕਿ ਭਾਰਤ ਵਿੱਚ ਪਟਾਕਿਆਂ ਦੀ ਆਯਾਤ Restricted Category ਵਿੱਚ ਆਉਂਦੀ ਹੈ। ਪੁੱਛਗਿੱਛ ਦੌਰਾਨ ਆਯਾਤਕਾਰ ਨੇ ਮੰਨਿਆ ਕਿ ਸਮਾਨ ਮਨਫ਼ੇ ਲਈ ਗੈਰ-ਕਾਨੂੰਨੀ ਤਰੀਕੇ ਨਾਲ ਲਿਆ ਜਾ ਰਿਹਾ ਸੀ। ਕੁੱਲ ਮਿਲਾਕੇ 5 ਕਰੋੜ ਰੁਪਏ ਦੇ ਸਮਾਨ ਨੂੰ 15.11.2025 ਨੂੰ Customs Act, 1962 ਤਹਿਤ ਜ਼ਬਤ ਕਰ ਲਿਆ ਗਿਆ ਹੈ। ਇਸ ਆਪ੍ਰੇਸ਼ਨ ਦੇ ਮਾਸਟਰਮਾਈਂਡ-ਕਮ-ਫਾਇਨੇਂਸਰ ਨੂੰ ਗ੍ਰਿਫ਼ਤਾਰ ਵੀ ਕਰ ਲਿਆ ਗਿਆ ਹੈ। DRI ਨੇ ਚੇਤਾਵਨੀ ਦਿੰਦਿਆਂ ਕਿਹਾ ਹੈ ਕਿ ਇਸ ਤਰ੍ਹਾਂ ਦੇ ਖ਼ਤਰਨਾਕ ਫਟਾਕੇ ਨਾ ਸਿਰਫ਼ ਲੋਕਾਂ ਦੀ ਸੁਰੱਖਿਆ ਲਈ ਖ਼ਤਰਾ ਹਨ, ਬਲਕਿ ਰਾਸ਼ਟਰੀ ਸੁਰੱਖਿਆ, ਪੋਰਟ ਇਨਫਰਾਸਟਰੱਕਚਰ ਅਤੇ ਪੂਰੇ ਲੋਜਿਸਟਿਕ ਚੇਨ ਲਈ ਵੀ ਵੱਡਾ ਜੋਖਮ ਬਣਦੇ ਹਨ। DRI ਨੇ ਭਰੋਸਾ ਦਵਾਇਆ ਹੈ ਕਿ ਉਹ ਅਜਿਹੀਆਂ ਅੰਤਰਰਾਸ਼ਟਰੀ ਤਸਕਰੀ ਗਿਰੋਹਾਂ ਨੂੰ ਤੋੜਨ ਲਈ ਵਚਨਬੱਧ ਹੈ। — ਰੇਂਜ Official ਨਿਊਜ਼, ਪੰਜਾਬ Range Official Viral Media news